السؤال اللي يطرح نفسه
هل احنا في دولة إسلامية أم دولة دستورية؟
هل احنا بدولة مؤسسات يحكمنا الدستور أم نحن بدولة عشائريه يحكمنا العرف؟
هل وصلت درجة الخوف لي هذا المستوى؟
ليش الحكومه الموقره تمشي على مقولة تبا للقانون و نعم للكرسي
ليش وزيرالأعلام المستقيل اللي دائما محطوط على السايلنت ما يطلع و يقولنه بأي دستور قاعد يسوي جذي؟
تخاف لا هايف و لا الطبطبائي يستجوبك؟
لا تبوق لا تخاف و بعدين هذيله يمثلون الأمه و كيفهم حرين باللي يقولونه بحكم الدستور ( مادة 110: عضو مجلس الأمة حر فيما يبديه بالمجلس من الآراء و الأفكار بالمجلس أو لجانه, ولا تجوز مؤاخذته عن ذلك بحال من الأحوال) و هم إنته واجب عليك تطبيق الدستور وليس تطبيق الأعراف
بس القمنده عندج يا حكومه ليش تعطونهم ويه؟؟ انشالله 50 نائب ضد الحفلات ليش الحكومه ما يكون عندها موقف واضح خصوصا انه الدستور و القانون الداعم الرئيسي لهم
اذن خلونا طبيعيين ليش هالهستيريا اللي قاعده تعيشها وزارة الأعلام على كل حفله و كل مناسبه بتصير و تدورلها أي عرف خربوطه تتشبث فيه؟
شنو احنا دولة قانون و لا أعراف
شنو هالكلام الخربوطه
زمن الأعراف ولى و انتهى خلاص
للأسف عندنا حكومة اسمها حكومة الخوافين
من كبيرها لي صغيرها يرتعشون من كابوس إسمه إستجواب ما يندره بس الحكومة اليديده شلون قايلة
البوست السابق خير مثال على الانفتاح اللي كانت تعيشه البلد بالسابق
هل الدستور في السابق كان غيرالدستور مال الحين؟
هل الدستور في السابق كان غيرالدستور مال الحين؟
بكل أسف احنا شعب بنطبق علينا المثل المصري جات الحزينه تفرح .. ما لقت لها ما طرح
No comments:
Post a Comment