منتخب الريش

*********
تحديث

*********
تلفزيون الراي: رئيس هيئة الشباب و الرياضه يوجه دعوه للسيد محمد بن همام لزيارة الكويت لشكره على جهوده لمشاركة الكويت في خليجي 19

*********

الفيفا يسمح للكويت بالمشاركة في دورة الخليج التاسعة عشر لكرة القدم

انظر الرابط

************

أتمنى شخصيا عدم رفع الأيقاف عن منتخبنا علشان

ما ننطق من اليمن والعراق

و هم عشان ما نطلع المركز الأخير

الرياضه عندنا بالكويت اسمها مرتبط بعيال الشهيد و يار يت يسوون نفس ما يسوي الأمير سلطان بن فهد و غيره من الشيوخ أو الأمراء في دول الخليج لا احنا عندنا العكس خراب الرياضه كله ياي منهم. أنا مو قاعد أزايد على حقهم انهم يصيرون رؤساء أنديه أو غيره بالنهايه هذي الديمقراطيه و اللي يابهم صناديق الأقتراع لكن انه الرياضه يقلبونها عزبه خاصه لهم فهذا اللي نرفضه و بشده

شلون تصير عزبه؟؟

لما الشيخ طلال الفهد رئيس نادي القادسيه يبي قوانين على مزاجه و يوم ما عجبته القوانين اللي أقرها مجلس الأمه أعلى سلطه تشريعيه في البلد راح قدم شكوى بمخفر زيورخ الدولي ضد دولة الكويت

بعدها حكومتنا المبجله و وزارة الشؤون بشكل خاص يتعاقب عليها ثلاث وزراء و كلهم على قولة عبدالحسين عبدالرضا " تيش بريش" محد فيهم قدر يقنع أندية الخراب اللي أهي أندية التكتل مع كبيرهم الشيخ طلال انهم يطبقون القوانين

بلا هذا شنسميه؟؟

أنا من ناحيتي أضم صوتي مع صوت النائب الفاضل عادل الصرعاوي بتوجيه شكر حق رئيس الأتحاد الأسيوي محمد بن همام لأنه الصراحه أثبت انه تهمه مشاركة منتخبنا في خليجي 19 أكثر منكم يا أندية الخراب



فيني قهر وايد بسبتهم و بسبت تبربسهم بس بختم عشان ما أزيد الجيله









إهــــداء