أسيل VS مسلم

أسيل: ما نبي نواب يصارخون نفسك بس روسنا قامت تعورنا

مسلم: إحنا نصارخ على قدر الألم و إحنا ترا إذا سافرنا حدنا الدمام مو نفسج

أسيل: إنتة شقاعد تخربط و رجاءا لا تغلط على الحكومة

مسلم: إنتي مرشحة ولا ناطق رسمي حق الحكومة ترا محد يوهقكم غير أصحاب النحشة الكبرى

أسيل: ماني رادة على مسلم وأوعدكم إذا وصلتوني المجلس راح أوصل أخلاقي اللي تربيت عليها

مسلم: شكرا عفوا

هذا الحوار من تأليفي**

عقب المداخلة اللي صارت بين مسلم و أسيل بالجامعة الأمريكية لاحظت شغلة عند إخواني المدونين إنه صار في فريقين, فريق يدافع عن أسيل و سوا مسلم جاهلي و مزايد و مو وطني و الفريق الأخر العكس

عموما ما بودي أطيل بالسالفة لأنها بنظري تافهه و ما تسوى بس اللي أعرفة إنه أسيل و مسلم شخصيات عامة وفوق هذا مرشحين للأنتخابات و اللي صار إختلاف في وجهات النظر و شي قاعد يصير كل يوم في ظل الأختناق السياسي و الجو الأنتخابي اللي قاعدين نعيشة فما أتوقع إنة السالفة توصل لغاية التشكيك في وطنية مسلم أو أسيل فالأختلاف بالرأي لا يفسد بالود قضية و بوحمود رجل تاريخة مشرف و مواقفة الصلبة و الشجاعة خير رد على هؤلاء المشككين بوطنية بوحمود و الشمس ما تتغطة بمنخل, ما بودي أطيل أكثر لسذاجة السالفة ولا يهزك ريح يا بوحمود و شكرا أسيل على لباقة ردج